देउवा प्रधानमन्त्री बन्ने शर्तमा काँग्रेसले केपी ओली विरुद्ध अविश्वासको प्रस्ताव ल्याउँदै

नेपाली कांग्रेसको वहुमत पक्ष प्रधानमन्त्री केपी शर्मा ओलीविरुद्ध अविश्वासको प्रस्ताव दर्ता गर्नेमा देखिएपछि आज बस्ने पदाधिकारी बैठकले यसको निर्णय लिने तयारी छ । प्रचण्ड माधव समूहको तयारीमा साथ दिने वा नदिनेमा पार्टीभित्र जारी विवादमा प्रधानमन्त्रीविरुद्ध अविश्वासको प्रस्ताव दर्ता गर्ने पक्षमा वहुमत देखिएपछि आज यसको टुंगो लगाउन दिउँसो देउवा निवासमा पदाधिकारी बैठक बस्ने भएको छ ।

बैठकले अविश्वासको प्रस्ताव दर्ता गर्ने विषयमा निर्णय गर्ने नेपाली काँग्रेसका एक नेताले बताएका छन । पदाधिकारी बैठकको निर्णयपछि भोली काँग्रेस संसदीय दलको बैठक बस्ने तयारी छ । नेपाल कम्युनिष्ट पार्टी नेकपाको प्रचण्ड माधव पक्षसँग मिलेर प्रधानमन्त्री विरुद्ध अविश्वासको प्रस्ताव दर्ता गर्ने देउवालाई प्रधानमन्त्री बनाउने विषयमा काँग्रेस सभापति देउवा र नेकपा प्रचण्ड माधव समूहबीच सोमबार साँझ सहमति भइसकेको छ । यसलाई औपचारिकता दिनका आज पदाधिकारी बैठक बस्ने लागेको स्रोतको दाबी छ ।

Loading...
error: Content is protected !!