पछिल्लो २४ घण्टामा काठमाडौँमा मात्रै ११३२ सहित उपत्यकामा थप १४९८ जनामा कोरोना संक्रमण पुष्टि भएको छ ।
त्यस्तै ललितपुरमा २७० र भक्तपुरमा ९६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
नेपालमा पछिल्लो २४ घण्टामा थप ३ हजार १२२ जनामा कोरोनाभाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले पीसीआर र एन्टिजेन परीक्षणबाट गत २४ घण्टामा थप ३ हजार १२२ जनामा कोरोना पुष्टि भएको जनाएका छन् ।
९ हजार २९२ जनाको पीसीआर र ७९६ जनाको एन्टिजेन परीक्षण भएको गौतमले जनाए ।
यससँगै कुल संक्रमितको संख्या २ लाख ९७ हजार ८७ जना पुगेको मन्त्रालयले जनाएको छ ।
पछिल्लो २४ घण्टामा थप ४५० जना कोरोनामुक्त भएका छन् । योसहित निको हुनेको संख्या २ लाख ७७ हजार १ सय २३ जना पुगेको छ ।
देशभर सक्रिय संक्रमितको संख्या १९ हजार ३ सय ८२ जना रहेको छ ।