काठमाडौँ ६ बाट चुनाव लड्ने सबुज बानियाँको घोषणा

काठमाडौँ– नेपाली काँग्रेस काठमाडौँका जिल्ला सभपति सबुज बानियाँले आगामी प्रतिनिधि सभा निर्वाचनका लागि उम्मेद्वारी घोषणा गरेका छन् । उनले काठमाडौँ क्षेत्र नम्बर ६ बाट उम्मेद्वारी दिने घोषणा गरेका हुन् ।

२०७४ सालको निर्वाचनमा काठमाडौँ क्षेत्र नम्बर ६ बाट काँग्रेसका नेता भिमसेन दास प्रधान विजयी भएका थिए । यो पटक पनि उक्त क्षेत्रमा प्रधानले दाबी गरीरहेका बेला बानियाँले उम्मेद्वारी घोषणा गरेका हुन् । यो क्षेत्रबाट कस्ले टिकट पाउँने बन्ने विषयमा अहिले काँग्रेस भित्र दुई धार देखिएको छ ।

आफूले टिकट पाए जित निश्चित रहेको बानियाँले बताउँदै आएका छन् । भने प्रधान कुनैपनि हालतमा आफ्नो निर्वाचन क्षेत्र छोड्न तयार छैनन् । काँग्रेसका अधिकाशं कार्यकर्ताहरुले भने अब नयाँ पुस्ताले पालो पाउनु पर्ने बताउँदै आएका छन् ।